Skip to main contentSíðani 1947 hevur Real Madrid spælt heimadystir sínar á sama leikvølli, og síðani 1955 hevur leikvøllurin verið nevndur Santiago Bernabeu.
Men tað kann skjótt gerast søga. Kring Europa hava fleiri stórfeløg selt navnarættindini á sínum stadion til altjóða handilsrisar, og nú sigst Real Madrid vera til reiðar at gera tað sama.
Stjórin í sponsku deildini hjá Microsoft, Maria Garana, hevur í øllum førum váttað fyri Antena 3, at tey hava fingið í boði at keypa navanrættindini til Bernabeu.
Enn er tó eingin avgerð tikin, um Microsoft skal fara í samráðingar við kongliga spanska stórfelagið um hetta.
