Grindamannafelagið fer ikki at vera við á kjakfundi hjá Sea Shepherd á fólkafundinum í morgin.
Grindamannafelagið sigur í kvøld, at tey taka ikki av av møguleikanum at kjakast alment við Sea Shepherd á Fólkafundinum í Runavík um vikuskiftið.
- Orsøkin er, at Grindamannafelagið hevur ongan áhuga í at skifta orð við Sea Shepherd, sum burturav, og alla tíðina villeiðir um føroyskt grindadráp, føroyska lóg og reglugerðir.
- Tvær ferðir í summar hava vit alment kjakast við tey. Úrslitið hevur verið, at vit verða misnýtt í einari villleiðandi kunning frá felagsskapinum.
- Hetta hava vit ongan hug at endurtaka. Vit kunnu heilt einfalt staðfesta, at vit eru samd um at vera ósamd.
- Seinastu mánaðirnar hevur Grindamannafelagið gjørt nógv burturúr at kunna um grindadráp.
- Felagið hevur stútt og støðugt greitt mongu útlendsku tíðindafólkunum, sum hava verið í Føroyum, frá, hvussu føroyingar drepa grind, at hon fer til matna, og at tað er okkara rættur og okkara skylda at nýta havsins tilfeingi á ein burðardyggan hátt .
- Havið kring Føroyar er okkara urtagarður og okkara veiðiøki, staðfestir Grindamannfelagið.
Hinvegin staðfestir felagið eisini, at Sea Shepherd er ein toppstýrdur felagsskapur, har vanligir og siðiligir limir hava fingið munnkurv.
- Hetta ásannaðu vit enn einaferð í vikuni undir sjónvarpsupptøkum hjá NRK, har tey ikki tordu at siga sína hugsan. NRK sjónbandaði hetta, og brotið verður vónandi víst í norskum sjónvarpi nú sunnudagin, sigur Grindamannafelagið.
