Eins og í fleiri øðrum londum aftra nógv fólk í Bretlandi seg við at lata seg koppseta ímóti H1N1 ella Influensa A. Tíðarritið Pulse skrivar, at umleið helmingurin av teimum, sum hava fingið tilboð um koppseting, hava sagt nei takk.
Sambært læknum, sum tíðarritið hevur tosað við, hava bara 46 prosent sagt ja takk. Summi taka ikki av, tí tey eru bangin fyri hjáárinum, meðan onnur halda tað vera óneyðugt at lata seg koppseta.
Serliga kvinnur, sum eru við barn, aftra seg við at lata seg koppseta.
