Á limafundi í Norðoya Sjálvstýrisfelag í gjárkvøldið fekk tingmanningin undirtøku fyri at finna eitt alternativ til verandi fiskivinnupolitikk.
Fundurin vísti á, at vinnan má hava greiðar karmar at virka undir heldur enn óvissuna í alsamt skiftandi politikkinum.
-Vit mugu tryggja betri samskifti, so bæði fiskifrøðingar og fiskimenn koma til orðanna og virkað verður fram ímóti burðardyggum fiskiskapi, ið gevur áhaldandi avkast, stendur í yvirlýsing frá fundinum.
Fundurin Í Klaksvík tók eisini fult undir við, at tingmanningin gongur undan at skapa maritimu útbúgvingunum hóskandi nýggjar karmar her í økinum.
