Vilhelm Poulsen og liðfelagarnir í Lemvig Thyborøn vunnu í kvøld ein sera týdningarmiklan sigur í botnsstríðnum í bestu donsku hondbóltsdeildini.
Lemvig Thyborøn vann 28-27 á Mors Thy á heimavølli. Klokkan vísti 59:59 tá Jeppe Gade Nielsen skoraði sigursmálið hjá Lemvig Thyborøn.
Við sigrinum vann Lemvig Thyborøn seg upp á triðaftasta plássið, har teir hava fýra stig fyri níggju dystir. Sigurin í kvøld var bert annar sigurin hjá Lemvig Thyborøn hetta kappingarárið.
Vilhelm skoraði í kvøld eitt mál uppá fimm málroyndir.
Hóskvøldið 4. november spælir Lemvig Thyborøn móti Skjern á útivølli.
