Loftmiðlarnir vórðu mest sum tiknir av ræði, tá dysturin móti Litava var av. Júst sum teir vóru í ferð við at gera samrøður við onkrar av føroysku spælarunum, varð hetta steðgað, tí landsliðsvenjarin vildi hava spælararnar inni skiftirúmið.
Hetta fekk nøkur at gera tað niðurstøðuna, at venjarin ikki longur vildi tosa við føroysku pressuna, men tað var nú ikki tað, sum Jógvan Martin Olsen sjálvur legði í hendingina.
- Eg vildi snøgt sagt hava ein status alt fyri eitt. Mest sum á dystardegnum hevði eg havt tríggjar skaðar, og í dystinum stingu fleiri hendingar seg upp, sum gjørdu, at ivaðist í, hvørjar menn eg kundi taka við til Fraklands.
- Pauli fekk ein snudd, og Atli bað eisini um at verða skiftur út. Samstundis høvdu bæði Julian og Hanus skaðar at dragast við, og tí var stóri spurningurin, hvørjar menn eg kundi nýta til miðvøllin. Har hevði eg so onkran spælara í bíðistøðu, men tað var av stórum týdningi, at hesin fekk boð alt fyri eitt. Og tað var orsøkin til, at vildi hava spælararnar inn beinanvegin. Snøgt sagt, so vildi eg hava ein status uppá, hvussu menn vóru fyri, so eg eisini visti, hvørt eg skuldi taka nýggjar menn inn ella ikki, segði Jógvan Martin.
