Steinarr Lár, sum eigur útleigingarfyritøkurnar KúKú Campers og Go Campers, sigur við blaðið Vísir, at hann hevur tikið avgerðina fyri at vísa sín stuðul til palestinar.
-Hetta er í roynd og veru fólkadráp, og altjóða samfelagið vendir tað blinda eygað til. Eg fái ikki gjørt annað enn at nokta fólki haðani mínar tænastur, og á tann hátt vóni eg, at tey leggja trýst á sínar politikarar fyri at fáa teir at leggja á annan bógv, sigur Steinarr Lár.
Hann leggur afturat, at hann hevur havt ísraelsk viðskiftafólk í fleiri ár, og at hann hevur einki ilt at bera teimum.
-Hinvegin haldi eg, at teirra framferð er skeiv, og eg umhugsi at fara til Palestina at stuðla fólki har, sum eru í neyð, sigur Steinarr Lár við blaðið.
