Jørgen Niclasen heldur fast um, at hann fekk ongantíð nakað bræv um, at tollkreditturin varð uppsagdir.
Tað sigur hann, hóast fútin staðfestir, at Niclasen hevði fingið vørur útflýggjaðar í stríð við tað, at tollkreditturin varð uppsagdur.
Jørgen Niclasen sigur, at hann fekk tollkredtitt eisini eftir, at hann skuldi vera uppsagdir og tá ið tolleftirlitið var á eftirlitsvitjan hjá fyritøkuni, varð heldur einki fráboðað um, at tollkreditturin varð uppsagdur.
Fleiri miðlafólk vildi hava at vita um Jørgen Niclasen ikki hevði skyldu at tryggja sær, at viðurskiftini vóru í lagi.
Men Jørgen Niclasen tvíheldur um, at so vítt, hann visti, hevði hann tollkreditt, tí hann hevði ikki fingið fráboðan um nakað annað.
Hann vísir eisini á, at hann er hvørki avhoyrdur ella skuldsettur og enn minni ákærdur ella dømdur.
- Eg fekk ikki so frægt sum at vita, at løgreglan kannaði okkara viðurskifti, sigur hann.
Hann varð eisini spurdur um hann heldur, at hetta skaðar álitið á hann sum landstýrismann.
- Politikarar skulu á vágskálina fjórða hvørt ár. Hann vónar eisini, at fólk meta seg út frá honum sum politikara og ikki eftir nøkrum, sum hendi fyri 20 árum síðani.
Jørgen Niclasen tvíheldur um, at tað var ikki fyrrenn í 1992, at hann fekk at vita, at tollkreditturin varð uppsagdur.
Uppsøgnin varð send Skipafelagnum, sum Niclasen-fyritøkan, var aðalumboð.
Jørgen Niclasen sigur, at hóast hann var umboð fyri Skipafelagið, var tað ein starvsmaður, sum var løntur av Niclasen, sum arbeiddi fyri Skipafelagið og hann arbeiddi púra sjálvstøðugt.
Annars varð tollkredtitturin uppsagdur í 1988, nakað væl áðrenn hann var stjóri.
- Eg visti ikki betri enn at vit høvdu ein tollkreditt og tað arbeiddu allir myndugleikar eftir. endurtekur hann.
Sí fleiri myndir frá tíðindafundinum hjá Jørgen Niclasen, við at trýsta HER
Tá ið hann, í 1992, fær boð um at tollkreditturin var uppsagdur, verður allur tollur goldin í hondina.
Sum tað sæst á myndini, var nógv fólk á tíðindafundi hjá Jørgen Niclasen, eisini fólk, sum ikki eru miðlafólk.
|
