Í álitinum frá nýskipanarbólkinum, sum skuldi gera eitt tilmæli um framtíðar fiskivinnuskipanina, verður hugtakið " Ogn Føroya fólks" viðgjørt.
Nýskipanarbólkur sigur, at tað als ikki hevur nakran rættsligan týdning um tað stendur í lógini ella ikki, men staðfestir kortini, at hetta eigur at nevnast væl og virðiliga í viðmerkingunum til lógina.
Landsstýrismaðurin við fiskivinnumálum, Høgni Hoydal, er í hesum máli heilt ósamdur við nevndina. Hann heldur, at hetta skal standa í lógini, so ongi mistøk verða av hesum. Hann heldur, at tað eisini er avgerandi við júst orðingini "ogn Føroya fólks" og ikki nakað annað, tí hetta staðfestir, at vit eiga øll virðini og so lata summi sleppa at fiska tey.
