- Vit hava skyldu at kanna, hvussu vit kunnu lækka skattatrýsti enn meiri. Tað heldur Brandur Sandoy, borgarstjóri á Sandi. Í kjaksending á Rás2 nú ein dagin staðfesti hann, at Sands Kommuna hevur verið illa tyngd av skuld síðani einaferð í áttatiárunum. - Í áratíggjur hevur alt í Sands Kommunu snúð seg um at rinda skuldina aftur og avleiðingin er, at ymiskt annað liggur á láni.
Av tí sama hevur skattaprosentið á Sandi ligið í topp, ella á 23,5%, men í ár er tað lækka niður í 23%. Og hann heldur, at tað sær heldur frægari út aftur, tí eitt nú eru arbeiðspláss skapt í oynni.
Men Brandur Sandoy heldur, at endamálið er alla tíðina at royna at lækka skattin sum mest. - At hava hægsta skattaprosent í áratígggjur, er ikki eggjandi í longdini, heldur hann. Í tí sambandi sambandi heldur borgarstjórin á Sandi, at vit eiga at fara meiri yvir til at taka brúkarahjøld fyri ymsar tænastur, heldur enn at fíggja alt við skattinum.
Í tí sambandi heldur hann, at tað skuldi ikki nakað verið í fegin fyri at fólk rindaðu brúkaragjøld fyri at fáa vatn og fyri renovatiónina. Hann nevndi at hjá Sands kommunu kostar renovatiónin einsamøll eini tvey ella trý skattaprosent. - Tað er spurningurin um tað er tann vegin vit skulu fara, heldur Brandur Sandoy. |
