Viljormur Davidsen var aftur liðskipari hjá Helsingborg seinnapartin í dag, tá hann og liðfelagarnir á Olympia-vøllinum í Helsingborg vunnu 1-0 á Sundsvall. 

Talan var um ein sera týdningarmiklan sigur í botnstríðnum í bestu svensku fótbóltsdeildini. Helsingborg hevur nú 10 stig á triðaftasta plássinum, sama stigatal sum Sundsvall.

Sigursmálið skoraði Armin Gigovic átta minuttir undan steðginum.

Tað gongur væl betri hjá Helsingborg nú, ið hevur fingið stig í trimum av teimum seinastu fýra dystunum.

8. august spælir Helsingborg á útivølli móti Häcken.

HER síggjast hæddarpunktini frá dystinum millum Helsingborg og Sundsvall:

##med2##