VIDEO: Tá Bogi Løkin skelkaði Eysturríki í 2008

Í øllum endurminningunum vit hava um framúr góða úrslitið móti Eysturríki í EM-undankappingardystinum móti Eysturríki 12. september í 1990, tá vit vunnu 1-0, so er ofta lætt at gloyma, at vit eisini fingu eitt rimmar úrslit móti Eysturríki í einum HM-undankappingardysti á Tórsvølli 11. oktober í 2008. 

Vit hava eisini lyndið til at yvirsíggja, at familjan Løkin hevur tvær ferðir verið við til at skelka Eysturríki.

Í 1990 var Ábraham Hansen (seinni Løkin) við til at vinna á Eysturríki í Landskrona. 18 ár seinni sendi sonur hansara, Bogi Løkin ein skelk gjøgnum Eysturríki tá hann legði Føroyar á odda í 47. minutti móti Eysturríki 11. oktober í 2008. Løtu seinni javnaði Martin Stranzl fyri Eysturríki, men føroyska landsliðið stríddi seg til ein góðan javnleik, ið kom á eitt turt stað hjá føroyska liðnum sum hevði tapt rættiliga nógvar dystir á rað tá.

Tað ótrúliga við Boga Løkin hendan dagin var, at hann var skiftur inn fyri Jákup á Borg tá 34 minuttir vóru farnir, og Bogi var skiftur út tá 74 minuttir vóru farnir, men hann brúkti væl teir 40 minuttirnar hann fekk á vøllinum. 

Kendi kekkiski venjarin, Karel Brückner var landsliðsvenjari hjá Eysturríki í 2008.

Undan dystinum 11. oktober í 2008 vóru Landskrona-hetjurnar frá 1990 heiðraðir. Í tí stóra og heila: Eitt gott 13 ára gamalt minnið. 

Vit hava á heimavølli ein sigur, ein javnleik og eitt tap móti Eysturríki. So vóna vit øll, at vit fáa minst ein javnleik í annaðkvøld klokkan 19.45, tá Føroyar og Eysturríki hittast á áttanda sinni.

FM1 sendir frá klokkan 15 í morgin leygardagin. Øll kunnu hoyra FM1 á www.fm1.fo 

HER ber til at síggja málini sum komu í dystinum á Tórsvølli 11. oktober í 2008:

##med2##