Ikki fyrrenn í 18. umfari tapti liðið Mikkjal Thomassen, Fredrikstad fyrsta dystin í næstbestu norsku fótbóltsdeildini.
Fredrikstad tapti oddauppgerðini á útivølli 1-2 fyri Oslo KFUM.
Jóannes Bjartalíð var liðskipari hjá Fredrikstad í dag. Jóannes legði hegnisliga upp til málið hjá Fredrikstad við einari fríspæling, tá Riki Alba í 17. minutti legði Fredrikstad á odda 1-0.
HER ber til at síggja málið.
Fýra minuttir undan steðginum javnaði Oslo til 1-1. Oslo skoraði sigursmálið tá 59 minuttir vóru spældir av dystinum. Stutt aftaná kom Brandur H. Olsen á vøllin, men Brandur, Jóannes og liðfelagarnir megnaðu ikki at fáa stig hesaferð.
