Sangarin HEÐIN hevur givið nýggjan sang út. Hetta er annað staklagið síðani heildarútgávuna "Life as it is« frá 2015.
– "Meðan vit bíða" er sorgblítt lag, sum er ognað teimum, ið eru tyngd og syrgja yvir sítt egna lív ella hava verið fyri missi. Sangurin er um at bíða eftir, at tað verður betri – og ævinleikanum, sigur HEÐIN um sangin.
Heðin Askham er 46 ára gamal klaksvíkingur. Hann er kendur innan kristiliga tónleikaumhvørvið og hevur framført kring landið og uttanlands, síðani vann var 13 ára gamal. Hann hevur givið heildaútgávu og tvey stakløg út. Heðin var eisini við í rockbólkinum I AM og fimmraddaða sangbólkinum High5. Nú framførir hann á smærri og størri tíltøkum innan missiónina – bæði sum solistur og saman við kórinum VOX.
Nýggi sangurin "Meðan vit bíða" kann hoyrast her:
##med2##
