TRÝST á PÍLIN á MYNDINI, og síggj málini frá oddadystinum í norsku tippuliguni millum Rosenborg og Brann Bergen, sum Rosenborg vann 2-1. Njótið málið hjá Gilla Rólantssyni til 1-1.
Gilli Rólantsson Sørensen, sum hevur verið millum bestu leikararnir í norskum fótbólti hetta kappingarárið, gjørdi í kvøld enn einaferð um seg.
Gilli Rólantsson Sørensen og liðfelagarnir úr Brann spældu í kvøld truplasta dystin í kappingini, tá teir á útivølli møttu norsku meistarunum, Rosenborg, sum millum annað hava fyrrverandi Arsenal áleyparan, Nicklas Bendtner á liðnum
Tað var um reppið at Brann fekk vunnið sær eitt kærkomið stig heim við til Bergen úr Tróndheimi, har Gilli Rólantsson Sørensen, eisini mundi verið hetjan fyri Brann. Gilli Rólantsson Sørensen javnaði nevniliga til 1-1, tá 10 minuttir restaðu av dystinum, eftir hann smekkaði eitt langskot inn úr vinstru síðu.
Komandi dystur hjá Brann Bergen verður á heimavølli leygardagin 13. mai. Tá vitjar felagið hjá Sonna Ragnari Nattestad, Molde á Brann leikvøllinum í Bergen.
Tað er YouTube-rásin hjá Dagbladet, sum hevur lagt hæddarpunktini út á YouTube.
Støðan:
| 1 | Rosenborg | 7 | 6 | 1 | 0 | 13:3 | 19 |
| 2 | Sarpsborg | 7 | 4 | 1 | 2 | 16:9 | 13 |
| 3 | Stabæk | 7 | 4 | 1 | 2 | 13:9 | 13 |
| 4 | Brann Bergen | 7 | 3 | 2 | 2 | 11:6 | 11 |
| 5 | Molde | 7 | 3 | 2 | 2 | 11:7 | 11 |
| 6 | Haugesund | 7 | 3 | 2 | 2 | 11:9 | 11 |
| 7 | Aalesund | 7 | 3 | 2 | 2 | 10:9 | 11 |
| 8 | Tromsø | 8 | 3 | 2 | 3 | 10:11 | 11 |
| 9 | Sandefjord | 7 | 3 | 1 | 3 | 10:10 | 10 |
| 10 | Strømsgodset | 7 | 2 | 3 | 2 | 7:9 | 9 |
| 11 | Odd | 6 | 3 | 0 | 3 | 5:9 | 9 |
| 12 | Vålerenga | 7 | 2 | 1 | 4 | 10:13 | 7 |
| 13 | Kristiansund | 7 | 2 | 1 | 4 | 5:11 | 7 |
| 14 | Lillestrøm | 6 | 2 | 0 | 4 | 5:10 | 6 |
| 15 | Sogndal | 7 | 1 | 2 | 4 | 6:12 | 5 |
| 16 | Viking | 8 | 1 | 1 | 6 | 6:12 | 4 |
