Landsliðsliðskiparin, Pernille Brandenborg og liðfelagar hennara á norska liðnum, Storhamar spældu í dag fyrsta dystin í bólki A í Champions League bólkaspælinum.
Á útivølli tapti Storhamar 26-29 fyri rumenska liðnum, Bistrița sum hevði eina greiða favorittstøðu undan dystinum. Heimaliðið var á odda 15-12 í steðginum.
Í álopspartinum gekk einki at reypa av hjá Pernille, ið bara setti ein av fýra málmøguleikum í netið.
Mikudagin klokkan 17.15 er dystur í bestu norsku hondbóltsdeildini aftur á skránni. Tá kemur Larvik á vitjan í OBOS-høllini í Hamar.
HER ber til frá Eurohandball at síggja ein samandrátt frá dystinum Bistrita-Storhamar 29-26 (15-12). Pernille sæst við nummar 18 á rygginum:
##med2##
