Niðurlendska kvinnulandsliðið í hondbólti hevur vunnið heiðursmerki fjórða endaspælið á rað.
Fyrr í dag spældu Niðurlond og Rumenia EM-bronsudyst í París. Niðurlond vunnu 24-20. Í steðginum var støðan 15-8 til Niðurlond. Rumenia var væl betri við í seinna hálvleiki, og tær rumensku ótu væl av leiðsluni hjá Niðurlondum, men ímóti dystarenda tóku tær niðurlendski seg saman aftur og hálaðu sigurin heim.
Niðurlond vunnu EM-bronsu í 2016, og tær vunnu HM-silvur í 2015 og HM-bronsu í 2017.
Estevana Polman gjørdist toppskjútti hjá Niðurlondum við sjey málum. Valentina Ardean-Elisei gjørdist toppskjútti hjá Rumenia við seks málum.
Klokkan 16.30 spæla Frakland og Russland EM-finaluna.
TRÝST á PÍLIN á MYNDINI, og síggj hæddarpunkt frá bronsudystinum millum Niðurlond og Frakland.
