Meistaraveitslan hjá Vali bleiv útsetti, tá FH við Jákup Thomsen á odda vann 2-1 á oddaliðnum. Valur liggur á odda í íslendsku landskappingini, meðan FH stríðst fyri plássinum í Evropa.
Síggj málið hjá Jákupi Thomsen við at trýsta HER
Í dag hittust liðini á heimavøllinum hjá FH, sum hevði Gunnar Nielsen, Brand Hendriksson og Jákup Thomsen á liðnum frá byrjan. Jákup Thomsen legði FH á odda tíggju minuttir inn í seinna hálvleik, tá han rak millum tveir spælarar og smekkaði bóltin í yvirleggjaran og inn.
Føroyski U21-landsliðsáleyparin hevur nú skotið trý mál fyri FH, og eitt fyri føroyska U21-landsliðið, í seinastu vikunum. Sermerkt fyri málini er, at tey eru einmansavrik og flott. Í seinasta sekundinum av yvirtíðini skoraði FH sigursmálið, eftir at Brandur Hendriksson hevði skotið hornaspark innfyri.
Kaj Leo í Bartalsstovu spældi allan dystin fyri ÍBV, sum vann 2-1 á Stjarnuni. Gøtumaðurin fell gult kort í dystinum og átti eisini okkurt skoti á mál. René Sahki Joensen sat á bonkinum allan dystin, tá Grindavík tapti 4-3 fyri KA. Hann hevur verið sjúkur seinastu fýra dagarnar.
(mbl.is)
| 1 | Valur | 21 | 12 | 7 | 2 | 46:23 | 43 |
| 2 | Breiðablik | 21 | 12 | 5 | 4 | 35:17 | 41 |
| 3 | Stjarnan | 21 | 11 | 7 | 3 | 45:25 | 40 |
| 4 | KR | 21 | 9 | 7 | 5 | 33:23 | 34 |
| 5 | FH | 21 | 9 | 7 | 5 | 35:28 | 34 |
| 6 | KA | 21 | 7 | 7 | 7 | 36:30 | 28 |
| 7 | ÍBV | 21 | 7 | 5 | 9 | 24:29 | 26 |
| 8 | Víkingur R. | 21 | 6 | 7 | 8 | 27:35 | 25 |
| 9 | Grindavík | 21 | 7 | 4 | 10 | 24:32 | 25 |
| 10 | Fylkir | 21 | 6 | 5 | 10 | 24:37 | 23 |
| 11 | Fjölnir | 21 | 4 | 7 | 10 | 22:37 | 19 |
| 12 | Keflavík | 21 | 0 | 4 | 17 | 10:45 | 4 |
