Fyri stuttum spældu sveisisku 3. deildarliðini Pully og Renens dyst í sveisisku steypakappingini.
Verjuspælarin hjá Pully, Adrien Gulfo skoraði í dystinum tað, sum má sigast at verða aldarinnar sjálvmál. Adrien Gulfo skuldi rudda bóltin burtur í egnum brotsteigi við einum saksasparki, men úrslitið av saksasparkinum var, at hann skoraði eitt minniligt sjálvmál, sum er farið sína sigursferð á internetinum.
Tíbetur fyri Adrien Gulfo endaði tað væl. Tá hann legði Renens á odda 3-1 við minniliga sjálvmálinum sá ikki gott út, men tað endaði við, at Pully vann 4-3.
TRÝST á PÍLIN á MYNDINI, og síggj Adrien Gulfo gera aldarinnar sjálvmál.
