Borussia Dortmund og brasilska liðið, Fluminense vunnu seg víðari til áttandapartsfinalurnar úr innleiðandi bólki F í HM-endaspælinum fyri felagslið í USA.
Dortmund vann frammanfyri 8.239 áskoðarum - og 17.761 tómum setrum - á TQL leikvøllinum í Cincinnati 1-0 á suðurkoreanska liðnum, Ulsan. Daniel Svensson skoraði sigursmálið í fyrra hálvleiki. Dortmund hevði møguleikar til fleiri mál, men 1-0 sigurin rakk til at vinna fyrsta plássið í bólkinum.
Fluminense úr Brasil og Mamelodi Sundowns úr Suðurafrika leiktu javnleik 0-0 á Hard Rock leikvøllinum í Miami. Uppmøtingin var út av lagi til hendan dystin. 64.767 áskoðarapláss eru á leikvøllinum, og bert 14.312 áskoðarar vóru til hendan dystin.
Dortmund endaði fremst í bólki F við sjey stigum. Fluminense hevur fimm stig, og Mamelodi Sundowns hevur fýra stig. Ulsan endaði aftast við ongum stigi.
Borussia Dortmund-Ulsan 1-0 (1-0)
1-0 Daniel Svensson ('36 )
Mamelodi Sundowns-Fluminense 0-0
HER ber til at síggja hæddarpunktini frá 1-0 sigrinum hjá Dortmund á Ulsan:
##med2##
