Manchester City var risastórur favorittur ímóti saudiska liðnum, Al Hilal í HM-áttandapartsfinaluni á Camping World leikvøllinum í Orlando í Florida. City hevði bóltin 68 prosent av tíðini, og teir høvdu 14 royndir innanfyri málrammurnar hjá Al Hilal, ið hevði seks royndir innanfyri málrammurnar. Men aftaná 120 minuttirs spæl var Al Hilal omaná, og vann dystin sera óvæntað 4-3.
Høvuðsvenjarin hjá Al Hilal, Simone Inzaghi segði á tíðindafundinum aftaná, at sigurin hjá Al Hilal á Manchester City svarar til at klatra niðan á Mount Everest fjallið uttan andatól. Ikki smávegis samanbering.
Fríggjakvøldið klokkan 20 spælir Al Hilal HM-fjórðingsfinalu móti brasilska liðnum, Fluminense.
Manchester City-Al Hilal 3-4 (2-2 - 1-0) - Aftaná longda leiktíð.
1-0 Bernardo Silva ('9 )
1-1 Marcos Leonardo ('46 )
1-2 Malcom ('52 )
2-2 Erling B. Haaland ('55 )
2-3 Kalidou Koulibaly ('94 )
3-3 Phil Foden ('104 )
3-4 Marcos Leonardo ('112 )
HER ber til at síggja hæddarpunktini frá málríka dystinum millum Manchester City og Al Hilal:
##med2##
