Hallur Hansson, venjarin Jens Berthel Askou og liðfelagarnir hjá føroyska liðformanninum í AC Horsens eru í hesi løtu ógvuliga vónbrotnir. Nú er tað greitt, at AC Horsens fer at flyta niður úr superliguni og eftir summarsteðgin fer at spæla í næstbestu deildini.
Tað er greitt aftaná javnleik 3-3 á heimavølli móti Vejle. Tíverri fekk Viljormur Davidsen ikki spælitíð fyri Vejle í dag.
AC Horsens var á odda 3-0 og vóru á greiðari sigurskós, men teir mistu alt á gólvið seinastu løtuna av dystinum.
AC Horsens – Vejle 3-3 (3-0)
1-0 Louka Prip (26.)
2-0 Louka Prip (45.)
3-0 Lirim Qamili (52.)
3-1 German Onugkha (63.)
3-2 German Onugkha (85.)
3-3 German Onugkha (90.)
- Vit vunnu bara ein dyst í heyst, og tí vóru vit greiðir yvir, at tað var stórt sannlíki fyri, at vit fóru at flyta niður, hóast tað í vár hevur hilnast væl betri, enn tað gjørdi fyrru helvt av kappingarárinum. Men dysturin í dag var góð mynd av hesum kappingarárinum. Tá ið vit eru upp á tað besta, kunnu vit sammeta okkum við liðini, sum eru í miðjuni í superliguni. Soleiðis var tað fyrsta tíman ídag. Katastrofali trupulleikin er, at botnstøðið er so lágt. Tá avrika vit ikki frægari enn lið, sum eru mitt í næstbestu deildini. Tað sóu vit síðsta hálva tíman í dag, tá ið vit mistu 3-0 leiðslu, og dysturin endaði 3-3, sigur Hallur Hansson.
HER ber til at síggja hæddarpunktini frá dystinum:
##med2##
| Nr. | Lið | Dystir | V | J | T | Mál skorað | Mál ímóti | Málmunur | Stig |
|---|---|---|---|---|---|---|---|---|---|
| 1 | AaB | 28 | 10 | 9 | 9 | 37 | 38 | -1 | 39 |
| 2 | SønderjyskE | 27 | 10 | 5 | 12 | 37 | 39 | -2 | 35 |
| 3 | OB | 27 | 8 | 9 | 10 | 31 | 34 | -3 | 33 |
| 4 | Vejle | 28 | 8 | 9 | 11 | 33 | 42 | -9 | 33 |
| 5 | Lyngby | 28 | 6 | 7 | 15 | 30 | 53 | -23 | 25 |
| 6 | AC Horsens | 28 | 4 | 8 | 16 | 24 | 49 | -25 | 20 |
