Final Four í donsku steypakappingini í hondbólti hjá kvinnum, Santander Cup er í Esbjerg í hesum døgum.
Tíðliga seinnapartin spældu Jana Mittún og liðfelagarnir í Viborg bronsudyst móti Odense.
Odense vann bronsudystin 35-32. Í steðginum var Odense á odda 21-15, so talan gjørdist eitt munandi betri avrik hjá Viborg í seinna hálvleiki.
Jana skoraði trý mál í dagsins dysti.
Klokkan 15 spæla Team Esbjerg og Nykøbing Falster finaluna í Santander Cup.
Komandi týskvøld klokkan 19 spælir Viborg dyst í bestu donsku hondbóltsdeildini móti Sønderjyske á útivølli.
Viborg er nummar sjey í deildini við 12 stigum fyri 12 dystir. Málið er at vera millum átta tey fremstu liðini aftaná lokið grundspæl, so Viborg kann kappast í endaspælinum.
