Vesturtúgva og Grønanes, sum samtrola, komu á Havnina í gjáramorgunin, teir vóru fullir undir lúkurnar, tilsamans hava teir um 330.000 pund. Vesturtúgva og Grønanes byrjaðu túr beint áðrenn ólavsøku. Teir hava roynt á Bill Bailey, meginparturin av veiðuni er upsi.
Teir landa hesuferð báðir í Havn, annars plagar Grønanes at landa í Vestmanna og Vesturtúgva í Havn.
Grønanes landaði í gjár og Vesturtúgva landar mánamorgunin.
Ætlandi fara teir nýggjan túr mánakvøldið, tað eru 6 mans við hvørjum skipi.
