Tað eydnaðist heldur ikki hjá semingsmanninum hesaferð at fáa semju í sáttmálatrætuni millum sjúkrarøktarfrøðingarnar og Fíggjarmálaráðið.
- Sostatt heldur verkfallið hjá sjúkrarøktarfrøðingunum fram, veit KvF at siga nú seinnapartin.
Í gjár settust partarnir aftur við samráðingarborðið, og haldast skuldi fram við samráðingunum í dag.
Men, aftur í dag noyddist semingsmaðurin at ásanna, at tað framvegis er ov langt millum partarnar.
Tískil tænir tað heldur ongum endamáli í løtuni at leggja eitt semingsuppskot fyri partarnar.
Samráðingarnar millum sjúkrarøktarfrøðingarnar og Fíggjarmálaráðið eru soleiðis enn einaferð endaðar úrslitaleysar.
Verkfallið heldur fram, og einki røkist í løtuni fyri, at nøkur semja er í ljósmála.
