Sum støðan er nú, kunnu vit ikki veita trygd fyri, at sjúklingar fáa viðgerð, tá ið tað er verkfall. Tað er niðuratøðan í eini almennari fráboðan frá leiðsluni í sjúkrahúsverkinum. Í hesum sambandi verður sipað til verkfallið hjá sjúkrarøktarfrøðingunum, sum nú gongur á 17. degi.
Í løtini er tað soleiðis, at sjúkrahúsverkið má biðja um undantøk frá Felagnum Føroyskir Sjúkrarøktarfrøðingar, fyri at fáa loyvi til at hava sjúkrarøktarfrøðingar til arbeiðis til alneyðugar uppgávur, sigur leiðslan.
Og tað noyðast tey at gera dagliga, tí ofta eru undantøkini bara galdandi í ein ella tveir dagar, ísenn, og tað merkir, at leiðslan í sjúkrahúsverkinum ikki altíð hevur vissu fyri, at neyðug starvsfólk eru til arbeiðis í morgin ella næstu dagarnar, til tær neyðugu uppgávurnar á sjúkrahúsunum.
Tey vísa á, at talan er um innlagdar sjúklingar, og um sjúklingar, sum hava bráðneyðuga viðgerð fyri neyðini.
Tí leggur Forstjórin í sjúkrahúsverkinum, Steinar Eirikstoft, dent á at tað verður neyðugt at vit fáa eina verkfalstilbúgving í sambandi við verkfall – og tað vil hann hava sett í sjálvan sáttmálan. Hann sigur, at endamálið við tí er, at trygd fæst fyri, at tað altíð er eitt ávíst tal av starvsfólki til arbeiðis, hóast tað er verkfall, tí tað er bara soleiðis, at tey kunnu veita trygd fyri, at tey, sum hava tørv á viðgerð, fáa viðgerð.
– Endamálið við eini verkfalstilbúgving er at tryggja, at sjúkrahúsverkið kann røkja sínar bráðneyðugu uppgávur. Í grannalondum eru slíkar avtalur, samstundis sum verkfalsrætturin verður virdur, siga tey.
– Tí er hetta ikki at taka verkfalsrættin frá fakbólkum, men hetta er ein trygd fyri, at eitt ávíst tal á fólki altíð er arbeiðis soleiðis á sjúkrahúsunum, soleiðis at til ber at røkja tær neyðugu uppgávurnar, sigur leiðslan í sjúkrahúsverkinum.
Tey vísa eisini á, at sjúkrarøktarfrøðingarnur eru tann størsti fakbólkurin í Sjúkrahúsverkinum, »og tey eru serstakliga tilvitað um tað megnar arbeiðið hesin fakbólkur fremur í gerandisdegnum«, sum leiðslan málber seg.
– Sjúklingar kunnu ikki verða teirra fakliga førleika fyriuttan, tí tað er teirra uppgáva alt ov týdningarmikil til, leggja tey afturat.
Tey skoyta upp í, at hesar seinastu tvær vikurnar hava enn einaferð prógvað, hvussu týðandi sjúkrarøktarfrøðingar eru fyri okkara sjúkrahúsverk. Tað vísir eisini, hvussu stóran týdning tað hevur at fáa trygd fyri, at eitt ávíst tal á starvsfólki altíð er til arbeiðis, hóast tað er verkfall.
