Tíðindastovan AFP veit at siga, at russiski verjumálaráðharrin, Sergej Sjojgu, og verjumálaráðharrin í Bretlandi, Ben Wallace, hava tosað saman um støðuna í Ukraina.
Tíðindastovan veit at siga, at teir báðir nýliga hava tosað saman í telefon. Fríggjadagin snakkaði Sergej Sjojgu eisini við amerikanska verjumálaráðharran, Lloyd Austin.
Sagt verður, at verjumálaráðharrarnir í Russlandi og USA annars ikki hava tosað saman síðan miðskeiðis í mai.
- Verjumálaráðharrin í USA leggur dent á týdningin av opnum samskifti millum londini, hóast Russland førir krígg móti Ukraina, sigur ein talsmaður fyri amerikanska verjumálaráðið, Pentagon.
Tað er tíðindastovan NTB, sum endurgevur AFP-tíðindastovuna um samrøðurnar millum verjumálaráðharrarnar í ávikavist Russlandi, USA og Bretlandi.
##med2##
