Føroya Sanglærarafelag arbeiðir í løtuni við eini nýggjari sangbók. Í hesum sambandið er heimasíða gjørd, ið gevur áhugaðum møguleika at siga sína hugsan og koma við uppskotum
Bókin, ið fer at hýsa umleið 400 sangum, skal eftir ætlan verða klár við skúlaársbyrjan í 2010 og er ætlað børnum og ungum innan skúlaverkið. Ein tilhoyrandi nótabók við løgum, talsetingum og teksti verður eisini gjørd.
Endamálið við heimasíðuni er at skapa eitt rúm, ið gevur almenninginum møguleika at luttaka í verkætlanini. Felagið vónar, at fólk fara at taka væl ímóti hesum tiltaki.
Heimasíðan verður almannakunngjørd tann 24. september.
