EM-endaspælið í Fraklandi stendur fyri framman. Í dag hava nógv lond kunngjørt hópar sínar til komandi kappingina, ið er tann fyrsta av sínum slagi, har heili 24 lond sleppa at luttaka.
Eitt av favorittlondunum í kappingini er Týskland, ið sum kunnugt vann HM fyri tveimum árum síðani. Týski hópurin er blivin kunngjørdur í dag, men júst sum í 2014 er ein stór, týsk stjørna, sum ikki sleppur at taka lut í endaspælinum.
Undan HM 2014 mátti Dortmund-leikarin, Marco Reus, melda avboð til endaspælið orsakað av skaða, og vanlukkutíð fyri álopssinnaða miðvallaran, so sleppur hann eiheldur at luttaka í komandi EM-endaspælinum. Enn einaferð er tað ein skaði, ið spillir honum spælið.
- Reus klárar einans at renna beint nú. Hann klárar ikki at gera meir til venjing, og læknamanningin hjá okkum ivaðist í, um hann megnar at blíva klárur til kappingina, segði Joachim Löw, týskur landsliðsvenjari, við ESPN fyrr í dag.
EM-endaspælið byrjar fríggjadagin 10. juni, tá ið vertirnir úr Fraklandi taka ímóti Rumenia.
Týskland er í bólki C við Ukraina, Póllandi og Norðurírlandi. Týski hópurin sæst niðanfyri.
Málverjar:
Manuel Neuer, Bayern München
Marc-Andre ter Stegen, Barcelona
Bernd Leno, Bayer Leverkusen
Verjuleikarar:
Shkodran Mustafi, Valencia
Jonas Hector, FC Köln
Benedikt Höwedes, Schalke 04
Mats Hummels, Dortmund
Emre Can, Liverpool
Antonio Rüdiger, Roma
Jerome Boateng, Bayern München
Miðvallarar:
Sami Khedira, Juventus
Bastian Schweinsteiger, Manchester United
Mesut Özil, Arsenal
Andre Schürrle, Wolfsburg
Lukas Podolski, Galatasaray
Julian Draxler, Wolfsburg
Toni Kroos, Real Madrid
Mario Götze, Bayern München
Leroy Sane, Schalke 04
Julian Weigl, Dortmund
Joshua Kimmich, Bayern München
Framherjar:
Mario Gomez, Besiktas
Thomas Müller, Bayern München
