Í kvøld klokkan 18 spælir KÍ seinna Champions League undankappingardystin móti BK Häcken í Göteborg. Støðan er 0-0 frá tí fyrra dystinum.
Vinnarin av samlaðu uppgerðini møtir samlaða vinnaranum av uppgerðini millum Molde og HJK Helsinki í triðja undanumfarinum.
Vøllurin við Djúpumýru er 64 metrar breiður og 100 metrar langur - Vøllurin hjá BK Häcken, Bravida leikvøllurin er 68 metrar breiður og 105 metrar langur. Sambært norska høvuðsvenjaranum hjá BK Häcken, norska Per-Mathias Høgmo er talan um ein upp á 740 fermetrar.
Hetta sigur Per-Mathias í samrøðu við stóra miðilin, Göteborgsposten sum hevur roknað seg fram til, at munurin millum vøllin í Klaksvík og vøllin hjá Häcken svarar til 14 tveyrúms íbúðir í Göteborg.
Spurdur um hvussu Häcken skal gagnnýta munin, svarar Per Mathias Høgmo: - Til at spæla Häcken-fótbólt. Vit fáa betur pláss til at brúka okkara skjótleika og kombinasjónir í samanspælinum. Vit hava arbeitt við renningunum í bakrúminum og okkara kantspæli. Men eisini fastar støður og tað verjukendi javnvágina. Á einum skjótum vølli sum vit hava hava vit stabiliserað okkum á einum høgum støði við nógvum málum, nógvum málmøguleikum, og fantastiskum heimaáskoðarum sum veksur saman við liðnum. Teir eyka metrarnir í samanspælinum á einum vátum vøli ger, at tað verður eitt annað slag av fótbóltsdysti. Men samstundis eru KÍ dugnaligir til at verja og eisini í sínum umstillingum. KÍ hevur nakrar dugnaligar leikarar, sigur Per-Mathias Høgmo við Göteborgsposten.
Göteborgsposten minnir Per-Mathias Høgmo á, at uppgerðin millum Häcken og KÍ kann enda við einari brotssparkskapping: - Vit venja altíð brotsspørk. Men ikki eyka nógv nú. Vit vóna, at vit kunnu avgera dystin áðrenn tað kemur hartil.
Spurdur um hann hevur brotssparksskjúttarnar klárar, svarar Per-Mathias Høgmo: - Tað taka vit ikki nú. Nú hava vit fokus á dystarbyrjanina og tað sum skal fremjast í dystinum, sigur Per-Mathias Høgmo.
