Kvinnuliðið hjá Neistanum skal nú hava nýggjan venjara.
Tað er greitt eftir at venjarin, Birgir Hansen hevur sagt upp í kjalarvørrinum á, at Neistin ikki megnaði at spæla seg í steypafinaluna.
Almenna orsøkin er, at hann metir seg ikki at kunna geva liðnum nakað meira í løtuni, sigur heimasíðan hjá Neistanum.
Uppsøgnin er tikin til eftirtektar og tey eru longu farin í gongd at finna nýggjan venjara.
Kringvarpið sigur, at til nýggjur venjari er funnin, tekur hjálparvenjarin Sigrun Mikkelsen, sær av venjingini.
Á myndini er Birgir Hansen vinstrumegin, saman við Kára Nielsen.
