Vejle við Viljormi á liðnum er nú á odda í næstbestu deildini

Viljormur Davidsen var við frá byrjan tá lið hansara, Vejle í útsettum dysti móti HB Køge á útivølli í kvøld vann seg upp á oddasessin í næstbestu donsku fótbóltsdeildini við einum 0-0 javnleiki. 

Viljormur fekk 70 minuttir á vøllinum áðrenn hann var skiftur út. 

Seinastu 20 minuttirnar trýsti HB Køge, men Vejle stóð móti trýstinum, og fekk togað seg upp á oddasessin í næstbestu fótbóltsdeildini.

Tað er langt síðani Viljormur Davidsen fekk møguleikan frá byrjan á liðnum hjá Vejle, og hjá føroyska landsliðnum og Lars Olsen kemur hetta væl við.

Sambært Twitter-síðuni hjá Vejle var Viljormur Davidsen rættiliga eyðsýndur í kvøld.

Vejle og Fredericia hava bæði 21 stig aftaná 11 dystir, men Vejle hevur betri málmun.

Komandi sunnudag tekur Vejle móti Vendsyssel FF á heimavølli á Nørreskoven leikvøllinum í Vejle.

Støðan: