Hóskvøldið er ætlanin at hava eitt sokallað veitarakvøld í Listasavninum á Sandi frá kl. 19 til 21 Nú summarið stendur fyri durum, so er hetta sera viðkomandi fyri ferðavinnuna í sýsluna. Jú størri útboð, jú størri er møguleikin fyri at fleiri og fleiri ferðandi - føroyingar eins væl og útlendingar - leita sær í Sandoynna. Ferðavinnan er skjótast veksandi vinna í heiminum í dag. Roknað verður við, at hon í løtuni gevur slakar 800 millión krónur til føroyska búskapin.
Hanna á Reynatúgvu og Fríðtór Debes fara at leggja fyri.
