Stjørnan hevur tað ógvuliga tungt í løtuni og hevur ikki vunnið síðani í fyrsta umfari í landskappingini, men hinvegin kom hesin sigurin – einasti higartil – ímóti júst VB. Nógv er broytt síðani tá, og VB mátti sigast at vera stórfavorittur at vinna ímóti Stjørnuni heima í Vági.
Stjørnan beit tó væl frá sær í fyrra hálvleiki og var fyri tað mesta á odda, men stutt undan hálvleikssteðginum svaraði Stjørnan væl aftur og slapp til hálvleiks við 14-11-leiðslu.
Í seinna hálvleiki steðgaði Stjørnan fullkomiliga upp og fekk bara eitt mál fyrstu 20 minuttirnar av seinna hálvleiki. Hetta var viðvirkandi til at VB vann sannførandi 25-15.
Gintare Butkeviciute gjørdi níggju mál fyri VB, meðan Mina Sirdal gjørdi fimm mál fyri Stjørnuna.
