Komandi dagarnar koma fleiri brúgvaløg við regni og vindi inn yvir Føroyar av útsynningi og suðri.
Hósmorgunin verður lot til andøvsgul av landsynningi, 3 til 8 metrar um sekundið, út á dagin gul til stívt andøvsgul, 5 til 10 metrar um sekundið. Skýggjað og stundum regn ella sirm. Mjørki í støðum og um kvøldið fer at regna. Hitin alt døgnið millum 7 og 10 stig. Um náttina verður andøvsgul upp í ein strúk av landsynningi, 8 til 13 metrar um sekundið, seinni av suðri, 5 til 10 metrar um sekundið. Samdrigið og regn, men út á náttina klárar í. Hitin alt samdøgrið millum 7 og 10 stig.
Fríggjadagin verður gul til stívt andøvsgul av suðri, 5 til 10 metrar um sekundið, sum snarar í ein landsynning og øtlar upp í stívt andøvsgul upp í hvassan vind, 10 til 15 metrar um sekundið. Turt og sólglottar, seinni regn av suðri. Um náttina verður stívt andøvsgul upp í hvassan vind av útsynningi, 10 til 15 metrar um sekundið, í støðum upp í 18 metrar um sekundið. Klárt, men ælaveður. Hitin alt samdøgrið millum 7 og 10 stig.
Leygardagin verður stívt andøvsgul upp í hvassan vind av útsynningi, 10 til 15 metrar um sekundið. Okkurt æli og sólglottar. Hitin millum 5 og 10 stig.
Sunnudagin verður andøvsgul upp í ein strúk av útsynningi, 8 til 13 metrar um sekundið, sum minkar og snarar í ein landsynning. Ælaveður, men seinni turt og sólglottar. Um náttina verður stívt andøvsgul upp í hvassan vind av eystri, 10 til 15 metrar um sekundið. Skýggjað og regn. Hitin millum 7 og 10 stig.
Mánadagin verður andøvsgul upp í ein strúk av norði og útnyrðingi, 8 til 13 metrar um sekundið. Regn, men seinni klárar í, tó okkurt æli. Hitin um dagin millum 7 og 10 stig, um náttina niður í 4 stig.
Týsdagin verður gul til stívt andøvsgul av útnyrðingi, 5 til 10 metrar um sekundið. Turt og sólglottar og hitin alt samdøgrið millum 3 og 8 stig.
