Orsøkin til, at rutuflogfarið við fyrrverandi amerikanska varaforsetanum, Al Gore, ikki fór avstað, var at ein ávaringarskipan aktiveraðist Hetta fekk flogskiparan til at taka avgerð um at fara innaftur í fráfaringarhøllina.
Eftir ætlan skuldi flogfarið fara avstað klokkan 19, men fór altso ongan veg. Ístaðin gjørdi Atlantsflog av at seta eitt annað flogfar inn, sum fór úr Keypmannahavn klokkan 21.15 og sostatt hevur kós móti Vágum júst nú.
Sambært Atlantsflog lendir hetta flogfarið, sum kom til Kastrup fyrr í kvøld, í Vágum klokkan 23.15.
Umframt Al Gore eru nógv vanlig ferðafólk við á ferðini, sum er ein vanlig rutuferð.
