svimjing
Beint eftir at Asbjørn var komin úr hylinum, spurdu vit hann, hvussu tað kendist, nú hann sum fyrsti føroyingurin hevði vunnið gullmerki á hesum Oyggjaleikunum.
- Tað plagar jú at vera í svimjing, at fyrsta heiðursmerki kemur, og sjálvandi er tað ein góð kensla.
Spurdur, um hann veruliga fór at trúgva upp á møguleikan, tá hann setti persónligt met um morgunin, segði Asbjørn, at hann vónaði tað besta.
- Hasin, sum var á geil fimm, hevur havt tíðir heilt niður á 30 sekundum, so eg visti, at tað fór at gerast torført.
- Eg var kanska eisini eitt sindur ov spentur í finaluni, og gjørdi eisini eitt mistak í startinum. Vendingin var tó góð, og nú eg havi vunnið, so leggi eg ikki í, at okkurt mistak varð framt á vegnum, segði ein ovurfegin Asbjørn, áðrenn hann fór yvir til rópandi liðfelagarnar.
