Eitt talsfólk fyri Hamas sigur, at felagsskapurin vil leyslata í mesta lagi 70 gíslar, um vápnahvíld verður lýst í Gaza í fimm dagar.
- Ein vápnahvíld skal hava við sær, at hjálparveitingar verða sendar um allan Gazageiran, leggur talsfólkið aftrat.
Sambært Reuters verður eisini upplýst, at ein ísraelskur gísli hevur latið lív í einum ísraelskum álopi í Gaza.
Tað var, tá Hamas leyp á Ísrael hin 7. oktober, at felagsskapurin tók fleiri enn 200 gíslar við sær inn í Gazageiran.
Hamas hevur leyslatið nakrar heilt fáar gíslar av heilsuávum, eitt nú eina kvinnu og dóttir hennara og tvær eldri kvinnur.
Hildið hevur verið, at Hamas hevur gíslarnar í onkrum av kilometrar longu tunlunum undir Gazageiranum.
