Ein meiriluti í danska Fólkatinginum umhugsa at seta eina nevnd at kanna eldsbrunan umborð á ferjuni ?Scandinavian Star? fyri 20 árum síðani. Vanlukkan kostaði 159 mannalív. Danski Fólkaflokkurin, Sosialistiski Fólkaflokkurin og Eindarlistin taka undir við at seta ein nevnd at kanna vanlukkuna, men Sosialdemokratarnir og Tey Radikalu hava ikki tikið støðu enn.
Málið kemur til viðgerðar í Fólkatinginum tann 15. apríl, tá eitt spurnarorðaskifti verður um tað.
Lars Barfoed, løgmálaráðharri, er ímóti at seta kanningarnevndina.
Tað var tann 7. apríl í 1990, at eldur kom í ?Scandinavian Star?, og nógv bendir á, at hann var ásettur.
