Løgtingsval
Løgtingsval er sett at vera 30. apríl. Hetta merkir, at valevnalistar skulu gerast. Teir fýra stóru flokkarnar eru allir lidnir við sína uppstilling, men teir smærru flokkarnir, Miðflokkurin og Sjálvstýrisflokkurin hava ikki almannakunngjørt allar sínar uppstillingar enn.
Í dag, týsdagin, fellur hamarin. Tað er soleiðis, at løgtingslóg nr. 49 frá 20. juli 1978 um val til Føroya Løgting stendur at lesa, at valevnislitar skul latast inn tríggjar vikur frammanundan valdagin, og tað er í kvøld.
?Valevnislistarnir mugu vera formanninum í avvarðandi løgtingsvalnevnd í hendi í seinasta lagi kl. 18.00 3 vikur frammanundan valdegnum.
Sum áður nevnt hava teir størru flokkarnir longu almannakunngjørt teirra valevnalistar í øllum valdømunum.
Miðflokkurin almannakunnger sínar valevnalistar í dag (eftir at blaðið fór til prentingar). Eftir hvat skilst, stillar Miðflokkurin upp í øllum valdømum.
Sjálvstýrisflokkurin hevur higartil almannakunngjørt sínar valevnalistar í Norðoyggjum og Eysturoynni.
Eyðun Elttør, formaður fyri Sjálvstýrisflokkin, sigur, at tað gongur framá hjá teimum við uppstillingini. Teir fáa tað síðsta upp á pláss, áðrenn kl. 18.00. Enn er ikki heilt vist, um teir upp í øllum valdømum enn.
