Hóast tað ikki stendur beinleiðis í skránni, so er hugsandi, at tað er umsókn frá Dennisi Holm um farloyvi, sum býráðið skal viðgera. Í øllum førum skal Dennis Holm úr býráðnum, tí sum landsstýrismaður kann hann ikki hava annað starv, og hetta er fyrsti fundur í Vágs býráð, síðani landsstýrisfólkini vórðu tilnevnd.
Býráðsfundur skuldi eftir skránni verið 30. januar, men hann varð tá útsettur til í annaðkvøld klokkan 19.
Tjóðveldi fekk á seinasta býráðsvali fýra limir valdar í Vágs býráð:
1. Dennis Holm 160
2. Eyðbritt Krosslá 34
3. Bárður G. Nielsen 32
4. Jónleyg Eyðunsson 32
5. Anna Brattaberg Samuelsen 29
6. Rógvi Kærbech 21
7. Vár Dimon 21
8. Gunnvá B. Arnfinnsdóttir 19
9. Kári í Lágabø 12
10. Jón Bjarnason 5
##med2##
Nú Dennis Holm skal úr býráðnum, so kemur næsta fólk á listanum inn. Tað er Anna Brattaberg Samuelsen, ið so tekur við sætinum sum býráðslimur, so leingi Dennis Holm verður í farloyvi.