Vágs kvøldskúli hevur mangt ymiskt at bjóða fram, eisini okkurt heldur forkunnugt.
M.a. hava fólk seinnu árini tikið dugnaskapsroynd í kvøldskúlanum.
Og sum nakað nýtt, so hevur í ár verið gjørligt at ganga til skeið í glaslist, og hevur undirtøkan verið ómetaliga góð.
Sunnudagin verður kvøldskúlaframsýning í Vágs Skúla klokkan 14:20 til 20:00. Stundsliga klokkan 14:20 syngur Kirkjukórið Ljómur og eftir tað hugleiðir Karin Brattaberg.
