Eitt ísfiskalínuskip er til fiskiskap, og tað eru tvey smærri ísfiskalínuskip eisini.
- Skipini fáa mest av hýsu og toski, og tey koma væntandi øll inn at landa í næstu viku.
Á Fiskamarknaði Føroya siga tey, at øll frystilínuskipini - uttan tvey - eru til fiskiskap í løtuni.
- Trý fiska í føroyskum sjógvi, og fimm eru í íslendskum sjógvi. Skipini fáa eina blanding av toski, hýsu, longu og brosmu.
Lagt verður aftrat, at helst koma onkur av frystilínuskipunum inn at landa í næstu viku.
- Streymurin verður harður alla næstu viku, og nakað verður eisini av vindi av eystaneftir gjøgnum vikuna.
Á Fiskamarknaði Føroya vænta tey, at nakað verður av útróðri nú um vikuskiftið, men útlitini fyri næstu viku eru einki serlig.
- Útróðrarbátarnir fáa mest av hýsu og nakað av toski, siga tey á Fiskamarknaði Føroya.