Jakkar
Jakkan kanst tú ikki vera fyriuttan í vár. Hann skal hava eitt harrakent snið, og vilt tú spara pengar kanst tú altíð leita tær onkran gamlan klædningsjakka hjá sjeikinum ella beiggjanum fram.
Vit síggja bæði klædningsjakkan, sonevnda tænara-jakkan og síða cardiganjakkan, sum verða settir saman við øllum frá skrøddum cow-boybuksnum til heil-draktir til gamasjur.
--
Cowboy/indianarar
Hugsa um gamlar cowboy--filmar og fá íblástur haðani.
--
Draktir
Heildraktirnar, ið settu dám á 70’ini og 80’ini, eru nú aftur at síggja. Tær eru at finna í øllum sniðum og tilfari. Í vár og summar skalt tú heldur fara í eina heildrakt enn ein vanligan kjóla, um tú veruliga skalt vera við.
--
Frinsar
Ein av sterkastu trendunum er frinsar. Í vár/summar mást tú eiga okkurt við frinsum. Teir síggj-ast alla-staðni, bæði innan klæði og tilhoyr.
--
Tað puturlitta
Ein av gjøgnumgangandi tendensunum í vár og summar eru puturlittu klæðini. Antin sett saman við øðrum pastelllitum, men eisini heil húðlitt klædnasett.
--
80’ini
Hóast tú ert millum teirra, ið svór, ongan-tíð at fara í 80’ara mótan aftur, so mást tú heldur leita í gomlu klædnagoymslunum eftir tí seinasta nýggja. 80’ini eru aftur og ”jú-meiri-jú-betur-stílurin” hevur av álvara fingið upp-reisn.
Heilt ljósar ella stein-vaskaðar og skrædd-ar cowboybuksur, súkklushorts innanfyri niðurdeilin, stórar, ternutar skjúrtur, smúkkur við bæði stórum hálsbandi og stórum oyraringum í senn, fredsekkbuksur, skyggjandi toy og neonlitir. Tú setir saman, sum tú hevur hug til, tað skal bara ikki vera einfalt og neutralt. Jú meiri -jú betur!
--
Smúkkur
Sterkur íblástur frá 80’unum. Jú meiri jú betri. Stórir oyralokkar settir saman við oversize hálsbondum. Hjá fleiri sniðgevum vóru hálsketurnar mestsum bringuplátur, so stórar.
--
Sólbrillur
Sólbrillurnar skulu framvegis vera stórar og fjala meginpartin av andlitinum. Hugsa um Jackie O’, og tú hevur júst rætta stílin. Hesar eru frá Nina Ricci.
--
Skógvar
Mást hava í summar: styvlar, ið loyva tóm og hæli at anda frítt.
Harumframt eru gladiatorsandalirnar, sum eisini vóru frammi seinasta vár, frammi aftur í ár. Eisini plateuskógvar eru sera nógv nýttir á alheims mótapallum.
--
Einfalda lívið
Hetta er júst tað øvugta av 80’ara mótanum. Her skal alt vera so einfalt sum gjørligt. Ongir prangandi smálutir, bert stórir, flákrandi kjólar í einfaldum sniði.
--
Asymmetriskt snið
Tað er aftur vorðið smart at hava klæði við asymmetriskum sniði. Kjólar, toppar og heildraktir, ið ganga upp á aðra økslina eru at síggja nógvastaðni.
