Tað er møguleiki fyri, at føroysku svimjararnir seinni í dag fara at vinna fleiri heiðursmerki, og tað kann væl fara at vera, at okkurt teirra verður úr gulli. Í morgun átti Vár E. Eidesgaard bestu tíðina í 400 m frí hjá kvinnum, og Signhild D. Joensen átti bestu tíðina í 200 m ryggsvimjing. Tíðin hjá henni vr nýtt met á oyggjaleikum.
Eftir innleiðandi kappingarnar fyrrapartin er tað greitt, at tað verður føroysk luttøka í sjey finalum.
Finalurnar eru á skránni frá klokkan 17:
100 m blandað menn Alvi Hjelm næstbestur Róland Hjelm nummar trý.
400 m frí kvinnur. Vár E. Eidesgaard bestu tíðina, og Sára Ryggshamar í finaluna við fimtu bestu tíðini.
200 m ryggsvimjing menn. Alvi Hjelm næstbestu tíðina.
100 m bringusvimjing kvinnur. Ásbjørg Hjelm i finaluna við fimti bestu tíðini.
100 m frí menn. Eingin føroyingur í finaluni.
50 m frí kvinnur. Eingin føroyingur í finaluni.
50 m firvald menn. Róland Toftum í finaluni við fimti bestu tíðini.
4x100 m menn blandað. Føroyar í finaluni við triði bestu tíðini – Marius Ihlen Garðshorn, Rókur Trygvason, Óli Mortensen og Alvi Hjelm.
200 m ryggsvimjing kvinnur. Signhild D. Joensen í finaluna við bestu tíðïni, sum er nýtt oyggjaleikamet.
