Vænta nøkur línuskip hesa vikuna

Vilmund Jacobsen

- Línuskipið, sum kem­ur av Flemish Kap, fiskar tosk og landar fyrst í hesi vikuni.
Fiskamarknaður Før­oya veit at siga, at skipini undir Íslandi fiska mest bros­mu og longu og koma helst at fiska nakað av toski, hýsu og blálongu.
- Eitt línuskip undan Ís­landi landar í dag, og eini tvey ella trý skip und­an Íslandi landa sein­ni í hesi vikuni.
Lagt verður aftrat, at eitt línuskip, sum roynir undir Føroyum, fiskar tosk og hýsu, og eitt skip fisk­ar tosk, svartkalva og blá­longu.
- Seinasta línuskipið und­ir Føroyum fiskar mest brosmu og longu. Vit vænta, at tvey línuskip und­an Føroyum landa sein­ast í hesi vikuni, og triðja­skipið landar helst ikki fyrr enn í aðru viku.
Um útróður, sigur mark­nað­urin, at streym­ur­in verður góður, og veðr­ið sær eisini út til at fara at roynast. Tí verður rokn­að við, at nakað verð­ur av útróðri.
- Útróðrarbátarnir fáa eina blanding av toski og hýsu og nakað av hvítingi. Onkur útróðrarbátur royn­ir eisini eftir kalva, sig­ur Fiskamarknaður Før­oya.