Væl umtókt randarhús í náttúruvøkrum umhvørvi

INSERAR FRÁ INNI:

Húsini eru í trimum hæddum – í alt 198 fermetrar. Harafturat er úthús á um 12 fermetrar. Hús­ini eru bygd í 1989, men eru dagførd so við og við, so tey sýnast sum eini nýggj hús. Lat okkum fara ein túr runt í húsi­num.
Tá ið tú kemur til húsini, kanst tú seta bilin inn í snøgga og nýbygda bilskúrin, og síð­ani eru tríggjar inngongdir at velja í. Tú kanst fara inn í eitt sera snøgt úthús, eitt rætt­i­ligt mannfólkarúm, har tú kanst hava amboð/ítriv og hag­reiða fisk og annað. Fert tú long­ur, kanst tú fara inn í eina gongd, ið førir inn í eitt stórt og snøgt bryggers og víðari inn í køkin ella út í ein fjálgan og inn­i­lokaðan garð/terassu á sól­síðuni við flísum, runnum og hugnaljósum. Eru nakrar sól­strálur, kanst tú fara beint út og sita í læ, sóla tær, ella njóta ein munn og ein bita. Har er eisini ein lítil og vælnýtiligur hjall­ur.
Fert tú inn hinvegin, kemur tú inn í ein dur / gongd við gard­e­robu og gestawc. Fert tú longur inn kemur tú inn í eitt sera snøgt og hugnaligt al­rúm. Har er køkur til aðra síð­una, borðstova til hina síð­una, stova til triðju síðuna og hugna-/sjónvarpsstova til fjórðu síðuna. Frá niðastu hædd fert tú upp trappurnar til miðhæddina. Har kemur tú upp til eitt stórt rúm, ið kann vera bæði alrúm / arbeiðsrúm og hugnastova. Bert hugflogið set­ur markið. Haðani kanst tú fara inn í eitt sera snøgt og ný­liga gjørt baðirúm. Eisini er hjún­ar­rúm og eitt stórt kamar, ið upprunaliga hevur verið tvey køm­ur. Tvær hurðar eru, so tað kann væl býtast upp aftur, um tú ynskir tað. Síðan kanst tú fara longur upp trappurnar til ovastu hædd. Har er ein lítil gongd og eitt stórt kamar.
Tú sært skjótt, at talan er um eini dygdarhús. Tilfar og hand­verk er av tí besta, og hartil eru húsini hugnalig og sjarmerandi. Sjón­varps- og teledósir eru í øll­um rúmum. Tú kennir teg væl alt í einum, tú kemur inn. Fert tú fram í vindeyga, hevur tú frálíkt útsýni út í vøkru nátt­úr­u­na, tí útsýnið er frálíkt, og uppiá sært tú oman yvir Ternu­rygg og út á fjørð við Nóls­oynni í baksýnini. Tú ert so nær náttúruni, at tú fært eina kenslu av at vera úti á bygd.
Húsini eru væl egnað til all­­ar aldrar – bæði til ung og eitt sindur eldri. Pláss er fyri børn­um í ymiskum aldrum, og pláss er fyri, at tey vaksnu arbeið heima. Húsini eru sera livilig og inn­bjóðandi, og einki er at ivast í, at her kanst tú trívast. Stór vind­eygu eru ímóti ljósinum, og alt er ljóst og “lekkurt” og lætt at innrætta.
Meira fæst at vita frá frynt­ligu og fyrikomandi starvs­fólk­u­num í Inni á tel. 354200.