Tað er nú greitt, at Víkingur skal hava nýggjan venjara til komandi kappingarár. Hvørki Sámal Erik Hentze ella Sorin Anghel halda fram í felagnum, eftir at hava vunnið FM tvey ár upp í slag. Formaðurin í Víkingi, Brandur Jacobsen, váttar tíðindini.
Hann sigur, at felagið nú fer í holt við at finna ein nýggjan venjara. Víkingur vann leygardagin FM annað árið á rað og tað hava verið fleiri gitingar um venjarin heldur fram.
Sum skilst, so ynskir Sámal Erik Hentze at taka ein steðg frá fótbólti, meðan Sorin Anghel í kvøld verður kunngjørdur sum nýggjur venjari á Argjum, har hann eisini hevur roynt seg sum hjálparvenjarar og spælara.
