Eirikur Lindenskov
Sunnudagin andaðist Vøgg Guttesen, býarverkfrøðingur í Havn 60 ára gamal.
Vøgg Guttesen kom í starv hjá Tórshavnar býráð í september 1977 sum verkfrøðingur.
1. januar í 1983 tók hann við sum býarverkfrøðingur eftir pápa sín, Poul Guttesen.
Vøgg Guttesen tók studentsprógv í 1956. Í 1962 tók hann prógv sum byggifrøðingur, og starvaðist hann í fleiri ár hjá Phil & Søn. Hann starvaðist eisini í nøkur ár sum verkfrøðingur bæði hjá byggifelagnum Danberg & Sørensen og hjá Gunnar Waagstein.
5. september í ár vóru liðin 21 ár síðani, at hann kom í starv hjá kommununi.
Vøgg Guttesen varð fyri nøkrum vikum síðani innlagdur við hjartatilburði, og hevur hann seinastu tíðina bundið frið. Hann kendi seg kortini so birgan, at hann helt seg kunna koma aftur til arbeiðis - men sunnukvøldið andaðist hann brádliga.
Sum býarverkfrøðingur seinastu 15 árini hevur Vøgg Guttesen havt ein týðandi leiklut í stóru menningini av býnum, og í býarumsitingini verður stórur saknur í honum.
