Fyri fyrstu ferð síðani 1952 hevur eitt skip hjá donsku verjuni siglt rundan um Jørðina. Sjóverjuskipið Vædderen kom í gjárkvøldið aftur á sama stað, sum skipið var á tann 14. september í fjør, og harvið hevði skipið siglt kring Jørðina.
Vædderen hevur staðið fyri teirri sokallaðu Galathea 3-ferðini og er fyrsta skip hjá donsku verjuni, sum hevur siglt kring Jørðina síðani 1952.
Á ferðini hevur skipið gjørt ein hóp av ymsum rannsóknum, og hetta er tann størsta danska rannsóknarferðin í meiri enn 50 ár.
